TruAktivi është program alternativ i edukimit që synon promovimin e mendimit kritik dhe qasjeve kritike përmes programeve dhe aktiviteteve të ndryshme. Grupi që ne synojmë të targetojmë janë të rinjtë e Kosovës rreth moshës 16-25 vjeç, me theks të veçantë të atyre nga vendet rurale dhe nga grupet e cënueshme.
Punëtoritë dhe trajnimet e larmishme të ofruara nga TruAktiv u ofrojnë të rinjve në të gjithë Kosovën mësim praktik, zgjidhje problemesh dhe zhvillim profesional.Programet kryesore përmes së cilave ne zhvillojmë synimet tona janë këto: shkolla e mendimit kritik, politika dhe shoqëria, produksioni multimedial dhe aktivizmi në shoqëri. Nga pjesëmarrësit e këtyre programeve kanë dalur dhjetëra nisma të mbështetura nga truAktiv.
Përvec këtyre programeve ne angazhohemi në ngritjen e vetëdijes shoqërore përmes videove edukuese dhe informuese për tema të ndryshme, përmes diskutimeve rreth çështjeve sociale, netëve të filmit dhe përmes formave të tjera të aktivizmit në komunitetit.
Që nga fundi i vitit 2020 truAktiv operon dhe vepron si një OJQ më vete.