“Ec Shlirë” është një iniciativë e të rinjve nga Gjilani, Medinë Dauti, Fëllanza Maliqi, Andi Sejdiu, Eronë Latifi dhe Leonora Veseli, pjesëmarrës në truAktiv Summit 2019.
Kjo nismë ka për qëllim lirimin e hapësirave publike (trotuareve) të uzurpuara nga makinat në mënyrë ilegale. Ec Shlirë ka organizuar fokus grupe me qytetarë të Gjilanit dhe më pas ka ndërmarrë dy aksione.
Njëri nga aksionet ka përfshirë shpërndarjen e meme-s në qytetin e Gjilanit kundër parkimit në trotuare, ndërsa aksioni tjetër është zhvilluar përmes gomave të papërdorura, të cilat potencialisht përfundojnë të djegura nga kompani të ndryshme.
Këto goma janë dekoruar, u janë vendosur lule dhe më pas janë vendosur në trotuaret e Gjilanit.
